«Болашақ энергиясы» форумының «Қаладағы энергия тиімділігі. Қалалық жоспарлау, құрылыс және көлік» алтыншы конференциясы

«Мемсараптама» РМК қызметкерлерінің біліктілігін арттыру мақсатында, Астана ЭКСПО-2017 халықаралық көрмесі шеңберінде 2017 жылғы 31 шілде мен 1 тамыз аралығында «Мемсараптама» РМК Ақтөбе облысы бойынша филиалының өндірістік бөлімінің бастығы Т.Ж. Табылдин және өндірістік бөлімінің сарапшысы А.М. Кукиев «Болашақ энергиясы» форумының «Қаладағы энергия тиімділігі. Қалалық жоспарлау, құрылыс және көлік» алтыншы конференциясына қатысты. Форумның алтыншы сериясында тұрақты сәулет пен қалалық жоспарлау, қалдықтарды жою және ресурстарды пайдалану тиімділігінен бастап интеллектуалды транспорт жүйелері мен инфрақұрылымға дейін ұзақ мерзімді кешенді шешімдерді қамтитын тақырыптар қарастырылды. Спикерлер есебінде ұсынылғандар: доктор Параг Ханна – әлемге танымал саясаттанушы, мегаполистердің даму стратегиясын құру бойынша кеңесші, Wall Street Journal, Financial Times и Washington Post сияқты беделді басылымдар үшін бірқатар мақалалар және бестселлерлер авторы, профессор Карло Ратти - Senseable City Lab зерттеу лабораторияның директоры, Флориан Леннерт - Intelligent City Forum директоры, Грэнтем қоршаған ортаны және климатты өзгерту бойынша ғылыми-зерттеу институтының негізін салушы, Вальтер Штайнманн - Швейцариядағы федералды энергетикалық агенттігінің бұрынғы атқарушы директоры, Митчел Йоахим - Terreform ONE New Lab негізін салушы.