Құрметті Иманғали Орақбайұлы Спатаев!

Сіздің бүгінгі қуанышты сәтіңіз – 60 келген жасыңыз құтты болсын! Құрылыс саласында мінсіз атқарып келе жатқан қызметіңіз және ұжымдағы қоғамдық жұмыстарға белсене атсалысқаныңыз үшін шынайы алғысымызды білдіреміз. Сіздің өрелі істеріңізді айтқанда ауыз толады, өйткені Сіздің өміріңіз нағыз майталман маманның, ұлағатты әкенің, еліміздің абзал азаматының өнегесі. Отанымыздың өркендеуі және халқымыздың игілігі жолында әлі де талай тәнті істерді атқарарыңызға кәміл сенімдіміз. Сізге таза көңілімізден шыққан ізгі ниетімізді білдіре отырып, бақытты да баянды ғұмыр, жемісті де жеңісті күндер, барлық бастамаларыңызға сәттілік, қажымас қажыр-қайрат, талмас талап-жігер тілейміз. Әрқашанда деніңіз сау, көңіліңіз жайдары, отбасыңыз берекелі болсын! Ізгі ниетпен «Мемсараптама» РМК-ның Оңтүстік өңірі бойынша филиалының ұжымы