«Қайырымдылық акциясы» өткізілді.

Тамыздың екінші жексенбісі – құрылысшылар күні. Бұл мереке Мемсараптама» РМК-нің Павлодар облысы бойынша филиалында өзгеше атап өтілді. Бұл күні кәсіпорын қызметкерлері «Қайырымдылық акциясын» өткізді. Кәсіпорынның жанында орналасқан 5 қабатты үйлердің ауласындағы балалар ойнайтын алаңды қайта абаттандырды. Ұжым қызметкерелері бұл күнге алдын-ала дайындалып балалар алаңын абаттандыруға қажетті заттарды: әр түрлі түстегі бояулар, әр түрлі көлемдегі қылша, пластик бутылкалар, баллондар дайындап, құм мен құмсалғышқа өтінім берді. Жоспарланған күні кәсіпорын қызметкерлері екі топқа бөлініп жұмысқа білек сыбана кірісті. Дайындалған заттардан әр түрлі ұсақ-түйектер(тасбақа, ұлу, күн, гүлдер, шошқа, қоңыз, т.б.) жасады. Алаңдағы әткеншек, сырғанақ, орындық сияқты т.б. заттарды әр түрлі бояулармен сырлап шықты. Сонымен қатар бұл күні ұжым қызметкерлерінің арасында да қуанышқа ие болғандар болды. Ол сарапшы Ержан Талипов. Бас кәсіпорыннан оған мараптаттау келді. Ұжым болып Ержанды құттықтадық.