Қазақстан халықтарының тілдері күніне арналған фестиваль

«Мемсараптама» РМК-ның Қызылорда облысы бойынша филиалының қызметкерлері Қазақстан халықтарының тілдері күніне арналған жыл сайынғы фестивальға қатысты. Биыл «Қанатты тұлпар» фестивалі 2012 жылдың 19 қыркүйегінен 21 қыркүйегі арылығында Өскемен қаласында өтті. Фестиваль 3 турдан тұрды. Бірінші тур – бейнеролик-таныстыру болды. Онда кәсіпорынның қызметі, қызметкерлері жайлы және мемлекеттік сараптама арқылы өткен облысымыздағы маңызды нысандар туралы айтылып, көрсетілді. Екінші тур. Қазақтың халық әнін орындау. Үшінші тур «Қазақстанда тұратын халықтардың салт-дәстүрлері мен әдеп-ғұрыптары». Қызылорда облысы бойынша филиалы латыш халқын көрсетті. Гитараның сүйемелдеуімен латыш тілінде халық әні орындалды, «Лиго» латыш халқының мерекесі көрсетілді және латыш полькасын биледі. Үш турдың нәтижелері бойынша Талдықорған қаласындағы «Мемсараптама» РМК-ның Алматы облысы бойынша филиалы 1-ші орынды иемденіп, алтын тұлпар алды.