«Мемсараптама» РМК Алматы облысы бойынша филиалының спорт командасы 2017 жылы «Мемсараптама» РМК филиалдары арасында өткізілген республикалық спартакиадада жалпы командалық есепте 1 орынды иеленді. Аталған спорт мерекесін жыл сайын өткізу «Мемсараптама» РМК мен оның Кәсіподағының жақсы салтына айналды. Ағымдағы жылы да қызметкерлер арасында салауатты өмір салтын насихаттау, олардың дене шынықтырумен жүйелі түрде айналысуына ықпал ету мақсатында6-8 қыркүйек күндері Оңтүстік Қазақстан облысындағы «ALMA-TAU» тау курортында 2017 жылдың басты спорт жарысы өткізілді. Жарысқа қатысушылар спорттың 7 түрінен бақ сынады, соның ішінде мини-футбол, волейбол, үстел теннисі, суға жүзу, шахмат, дойбы, арқан тарту. Филиалдар мен орталық аппараттың 14 командасы құрамындағы 135 қызметкер олиппиадалың жүйе бойынша күш сынасты. Барлық ойын түрлері тартысты да тартымды өтті, тікелей жарысқа қатысушылар барлық өнерлерін ортаға салса, жанкүйерлер оларды белсенді қолдады. Аталмыш шара спортқа деген құлшынысты арттырып қана қоймай, әріптестер арасындағы достық қарым-қатынасты күшейте түседі. Ұсынылған спорт түрлерінен өткен жарыстардың қорытындылары бойынша Алматы облысы бойынша филиал командасының жетістіктері келесідей: мини-футбодан – 1 орын; волейболдан – 1 орын; дойбы ойынынан – 1 орын; үстел теннисінен – 3 орын; шахматтан – 4 орын. Команда барлық жиналған ұпай санын қорытындылай келе жалпыкомандалық есепте 1 орынды иеленді.
Республиканское государственное предприятие на праве хозяйственного ведения
«Государственная вневедомственная экспертиза проектов»
