2014 жылдың желтоқсан айының 4-5 аралығында «NAT Kazakhstan» АҚ-мен бірлескен «Мемсараптама» РМК-да «Жобаны электронды түрде қабылдау және электрондық құжатайналым біртұтас жүйесін әкімшіліктендіру, пайдалану және сүйемелдеу» тақырыбына семинар-кеңес өтті.
Бұл семинарда жобаларды электронды түрде қабылдау мен электрондық құжатайналым біртұтас жүйесін әкімшіліктендіру, пайдалану және сүйемелдеу тақырыбын шолып шығып, ЭҚАБЖ-нің «Сараптау қорытындысын автоматтандыру» атты функционалының түсау кесері болды.
Семинар қатысушылары практикада ЭҚАБЖ-нің есеп беру генераторы, баспабетті редакциялау сияқты жүйенің жаңа функцияларымен танысып, тәжірибе, пікір алмасып, ағымдағы сұрақтарға жауап алып, өздерінің ұсыныстарын берді. Семинар соңында хаттама жасалып, қатысушыларға сертификаттар тапсырылды.