2014 жылғы 14 қарашада «Мемсараптама» РМК-нің Астана қаласындағы филиалында «Қазақстанның болашағы қазақ тілінде» атты «дөңгелек үстел» өткізілді. «Дөңгелек үстел» шешімімен «Қазақ тілі» Қоғамы құрылды. «Қазақ тілі» Қоғамының төрайымы болып Балабекова Гауһар Сағынбайқызы және хатшысы болып Исалиева Нұргүл Ғизатуллақызы сайланды.
«Қазақстан Республикасындағы Тіл туралы» Заңының 4-ші бабына сәйкес «Қазақ тілі» Қоғамы мемлекеттік тілді құрметтеуді қалыптастыру үшін «Мемсараптама» РМК-нің Астана қаласындағы филиалында қазақ тілін барынша дамытуға, оның беделін нығайтуға, мемлекеттік тілді еркін және тегін меңгеруге қажетті барлық ұйымдастырушылық, материалдық-техникалық жағдайларды жасауға, қазақ тілін сақтау және дамыту үшін көмек көрсетуге ат салысады.
Филиалдың қызметкерлерін Қазақстан Республикасына деген сүйіспеншілікке, отансүйгіштікке тәрбиелеу мақсатында «Президент күні», «Қазақстан Республикасының Тәуелсіздігі күні» мейрамдары қарсаңында ұжыммен Қ. Қуанышбаев атындағы Қазақ музыка-драма театрына, «Қазақ елі» Ұлттық тарихи мұражайына бару жоспарланды.
Республиканское государственное предприятие на праве хозяйственного ведения
«Государственная вневедомственная экспертиза проектов»
