Ағымдағы жылдың 18 қаңтарында Астана қаласында «Мемсараптама» РМК филиалдарының өндірістік бөлімдері басшыларының және сарапшылардың қатысуымен жобалардың инженерлік желілер мен құрылыстар бөлімдері бойынша республикалық семинар-кеңес өтті.
Семинар «Мемсараптама» РМК-ның бас директоры Б.Б.Ережеповтың кіріспе сөзімен ашылды. Кейін, жобалау-сметалық құжаттаманы қалыптастыру және әзірлеу талаптары жөнінде «Қазақ Суарнажоба» АҚ-ның мониторинг және инженерлік инфрақұрылым бөлімінің басшысы С.Б.Чепрасов сөз сөйлеген. Кеңес қатысушыларымен талқылап отырған тақырып бойынша бірқатар сұрақ қойылғаннан кейін, келтірінді шығындар бойынша жабдықты бағалау қағидасы жайында «Мемсараптама» РМК инженерлік желілер мен құрылыстар бөлімінің бас маманы Б.Ш.Үмбетов сөз еткен.
ЭҚАБЖ-н жаңа тұғырнамаға шығару және жобалау-сметалық құжаттаманы электрондық түрде қабылдау жөнінде «Мемсараптама» РМК әдістемелік және бағдарламамен қамтамасыз ету бөлімінің бас маманы Ә.А.Мәрденов сөйледі.
Сонымен қатар, семинар-кеңес қатысушыларымен сыртқы алаңдық сумен жабдықтау және кәріз жүйелері жобаларының техникалық-экономикалық бөлімін жасау мәселелері талқыланды. Бекіткіш арматураның құнын салыстыру кестесі «Шығыс-Қазақстан облысы Катон-Қарағай ауданы Урыль ауылындағы сумен жабдықтау жүйесін қайта жаңарту» жобасы үлгісінде көрсетілді, семинар аяқталуына таман қатысушыларға талқыланған тақырыптар бойынша ақпараттық материалдар таратылып берілген.
Семинар қорытындыларын «Мемсараптама» РМК бас директорының орынбасары А.С.Сманқұлов жасады.
Республиканское государственное предприятие на праве хозяйственного ведения
«Государственная вневедомственная экспертиза проектов»